Udalaren ondare-erantzukizuna eskatzea

Helburua

Udal Administrazioaren ondare-erantzukizunetik eratorritako kalte material eta/edo pertsonalengatiko kalte-ordaina eskatzea.

Izapidea nork egin dezakeen

Eragindako edozein pertsona fisiko edo juridiko, pertsonalki edo ordezkari baten bidez.

Baldintzak

• Gertaera eragiletik edo horren ondorioak zehaztu ahal diren unetik urtebete baino gehiago igaro ez izana (kalte pertsonalen kasuan, urtebeteko epea alta medikoaren datatik hasten da).
• Eskatzailearen ondasunak edo eskubideak kaltetu badira administrazio-erantzukizunaren ondorioz.

Tramitea nola egin daitekeen

• Telematikoki: orri honen behealdean dagoen Instantzia berria botoiaren bidez.

Eskatzailea administrazio publikoekin elektronikoki harremanak izan BEHAR DITUEN PERTSONA JURIDIKOA EDO SUBJEKTUA bada, horrela bakarrik aurkeztu ahal izango du.

• Aurrez aurre, udaletxeko bulegoetan.

Aurkeztu beharreko agiriak

Eskabide orokorra beteta eta interesdunak sinatuta, honako hauek adieraziz:

• Interesdunaren eta, hala badagokio, haren ordezkariaren izena, bi abizen eta identifikazio-dokumentua.
• Jakinarazpenetarako helbidea.
• Harremanetarako telefonoa.
• Argi eta garbi zehaztuko dira lesioak edo kalteak, horien kausak zerbitzu publikoen funtzionamenduarekin duen lotura, ebaluazio ekonomikoa, kaltea gertatu den unea, lekua eta inguruabarrak, eta kalte-ordaina eskatzea.

Egoki iritzitako alegazio, agiri eta informazio guztiak erantsiko dira, hala nola:

• Udaltzaingoaren partea, esku hartu badu.
• Lekukoak.
• Tokiaren edo gertaeraren argazkiak.
• Parte medikoa, hala badagokio.
• Ondare-erantzukizunaren ebaluazio ekonomikoa, fakturak edo aditu-txostenak aurkeztuz, hala badagokio.
• Gertakariaren lekuko den informazio oro.

IBILGAILUETAN IZANDAKO KALTEENGATIKO ERREKLAMAZIOETAN:

• Gidabaimenaren fotokopia.
• Zirkulazio-baimena, IAT eta indarrean dagoen asegurua.
• Ibilgailua konpontzeko faktura edo aurrekontua.
• Aurkeztutako dokumentazioa originala izango da, edo jatorrizkoarekin alderatuko den kopia, unitate izapidegilean bertan.

Nola eta noiz ebazten den

Espedientea ebazteko epea 6 hilabetekoa da, eskaera egiten den egunetik hasita, eta administrazio-isiltasuna NEGATIBOTZAT hartuko da.